يوميات ليبي ..
كنت مخطط في رمضان الماضي 1435هـ نطلع رحلة عُمرة منها عبادة و منها نقاهة , المهم في نفس اليوم اللي كنت طالع من سرت وماشي لمطار طرابلس قامت عملية قسورة , والمتتبع ليومياتي يذكر هذاكا اليوم هههه
قلنا مش مشكلة , نستنوا أسبوع ونمشوا من مطار مصراته , و عدت الايام و في نفس اليوم اللي كانت فيه رحلتي من مصراته وني كنت ماشي في الطريق اتصلوا بيا قالولي ان مطار مصراته تم منعه من تسيير الرحلات من قبل وزير المواصلات هههه ^^"
ماعلينا قلنا أقسام , هالقرشين تو نمشي بيهن لمكان اخر لين تفتح العُمرة , خططنا مع Mohamed Almannai في رحلة لأسبانيا و تحديدا الأندلس ع أساس في شهر 9 , و بعدها طلعي Mohammed Alkafri برحلة لإيطاليا و من بعدها أسبانيا و حتى المبلغ مش كبير , المهم قلنا مشم مشكلة يتم الرمضان ونطلعوا تأشيرات شنغن و نطلعوا .
و هوبا الضرب كثر و الدق بين القسورة والكرامة كثر و السفير اللي ما هربش صكر باب سفارته و وفي خاطره يقول " روحوا يا أولاد ..... ما ناقصتكم كان التأشيرة " هههه
المهم بعد ما أيسنا من السفر , قلنا راد الله علينا , نكسدوا هنا , بس مع وضع البلاد " الصلاطة " و مجال عملنا الي هو السفر والسياحة أقفل تماما بسبب الحرب قلت لابد نمشي رحلة سفاري 4 أيام للجنوب توسيعة خاطر ,
لأن الحق مشية في الصحراء مرات خير من شوارع الشانزيليزيه .
لأن الحق مشية في الصحراء مرات خير من شوارع الشانزيليزيه .
المهم احني قلنا نبوا الجنوب من هنا و خوتك أولاد سليمان والقذاذفة بسلامتهم شغلوا دسكة أكشن من هنا في سبها , وقعدنا نراجوا نراجو .
تمت دسكة سبها من هنا اتصلت بالراجل صاحب السيارات الصحراوية على أساس بنجوه هاليومين قالي ما تجيش أقعد غادي !!!
تمت دسكة سبها من هنا اتصلت بالراجل صاحب السيارات الصحراوية على أساس بنجوه هاليومين قالي ما تجيش أقعد غادي !!!
خيرك شن صار ولا يلزمكم تأشيرة هههه قالي لا خوتك الطوارق والتبو خدوا دسكة الأكشن متاع سبها وشغلوها غادي ههههه
المهم حاليا قاعد نفكر نطلع من زوارة ولا زليتن لجزيرة لامبيدوزا ههههه معاش في إلا هك ^^"
ليست هناك تعليقات:
إرسال تعليق